وليه بنخاف للشاعرة شيماء العشري

خاص بالمسابقه
شيماء العشرى
محاافظه دمياط
قصيده وليه بنخاف
3_وليه بنخاف
وليه بنخاف؟؟
وليه هنخاف؟؟
مادام فى ألاصل بنى آدمين؟؟

وراسنا لفوق ومرفوعه

ننزلها بايدنا ف طين
وندفنها قصاد ظالمين
وبندور على الخطاب
ويوحشنا صلاح الدين
وليه بنخاف؟؟
يا قاضى الأرض يا ويلك
أهى أيام وهتعدى
هنتقابل وهحكيله
أنا برفع له مظلمتى فى كل صلاة
وهو سامعنى وانا ببكى
وسامع قلبى ينزف آه
قريت كم مره فى كتابك؟
قريت كام مره فى كتابك
هيجى الغافل الظالم وذنبه معاه؟؟
هنتقابل وهحكيله
هقول له الدنيا أخدوها
وحتى الأرض وياعوها
وباركوا الدبح فى فلسطين
وفى البوسنه
وبورما
وسوريا مدبوحه
وغزه محاصره وبتشكى
وودن ملوها بالطينة
وودن حشوها برضوا عجين
هاقوله
هاقوله الظلم جاب اخره
وعدل ورحمه يتاخروا
مفيش حيله فى كف الايد
هقوله الضلمه كاسيانا
عيون العدل نعسانه
بطون الخلق وجعانه
هاقوله الدنيا وجعانه
وحكامنا وخزلانا
وصومنا نهار وصلينا
ومش شايفه صلاة العيد
نعافر فيها بأيدينا
ومش سامعه
هاقوله النهر بقى فاضى
بلون دمعه
وملح البحر بس يزيد
هاقوله خلفتنا واحد
بقيتنا اتنين
بنتقسم ملوك وعبيد
هاقوله العبد أصبح سيد