خاص بمسابقة العامية ( 2 )
# _ كومبارس .. !!!
قول انت إيه فكرتك .. !!؟؟
عايش بأي منطلق
أو قولي حتى رؤيتك
ف جملتين ...
أو كلمتين ...
بكلام بسيط ومفهومين
طب قولي نوعك أي نوع .. !!؟؟
لك دور أساسي
عاقل وراسي
ولا لسه مالكش دور .. !!؟؟
كومبارس يعني ...
محشور ف مشهد فيه جموع
ورقة وخلاص ...
ف أي فرع من الفروع
ف مهب ريح ...
عايش ف توب مليان قطوع
محسوب ف جملة القطيع
عايز الخلاص ...
مُريد مطيع للأوليا
عقلك أسير جوا الضريح
ومالكش حق ف النذور
وطير جريح ...
مستني فضلة من النسور
مفروض عليك سياج وسور
سجنك وبتسميه حصون
وسنين جهالة مقيداك
وعادات سخيفة مأخراك
باني آمالك ع الظنون
ورضيت ببعض من الفتات
فخرك بماضي وذكريات
ولا ليك طموح .. !!!
ساكن سطوح الأمنيات
حبلين قدام ...
تنشر عليهم حلم فات
لكن نهارك فيه غمام
والشمس ماتصاحبش ليل
مستني حلمك م النجوم
محتاج لفجر يكون دليل
فات ألف يوم ...
والميه نشفت م السبيل
خليك صريح ...
ماانتش مريح ...
فبلاش تعيش ف دور هابيل
ولن تكون ...
من حواري المسيح .. !!!
# _ كومبارس .. !!!
قول انت إيه فكرتك .. !!؟؟
عايش بأي منطلق
أو قولي حتى رؤيتك
ف جملتين ...
أو كلمتين ...
بكلام بسيط ومفهومين
طب قولي نوعك أي نوع .. !!؟؟
لك دور أساسي
عاقل وراسي
ولا لسه مالكش دور .. !!؟؟
كومبارس يعني ...
محشور ف مشهد فيه جموع
ورقة وخلاص ...
ف أي فرع من الفروع
ف مهب ريح ...
عايش ف توب مليان قطوع
محسوب ف جملة القطيع
عايز الخلاص ...
مُريد مطيع للأوليا
عقلك أسير جوا الضريح
ومالكش حق ف النذور
وطير جريح ...
مستني فضلة من النسور
مفروض عليك سياج وسور
سجنك وبتسميه حصون
وسنين جهالة مقيداك
وعادات سخيفة مأخراك
باني آمالك ع الظنون
ورضيت ببعض من الفتات
فخرك بماضي وذكريات
ولا ليك طموح .. !!!
ساكن سطوح الأمنيات
حبلين قدام ...
تنشر عليهم حلم فات
لكن نهارك فيه غمام
والشمس ماتصاحبش ليل
مستني حلمك م النجوم
محتاج لفجر يكون دليل
فات ألف يوم ...
والميه نشفت م السبيل
خليك صريح ...
ماانتش مريح ...
فبلاش تعيش ف دور هابيل
ولن تكون ...
من حواري المسيح .. !!!
بقلمي أحمد أبو عاصم / مصر
