الكلمة للشاعر أسامة جديانه

الكلمه لابسه كام قناع
ساعات بتبث الوفا
وساعات بتهدينا الخداع
وساعات بتعطينا الأمل
وساعات بتاخدنا للضياع
كلمة بتدفى القلوب
وكلمه تدخلنى ف صراع
وهمسه صافيه ساعة رضا
تشفى كل الأوجاع
وكلمه حابسها السكات
جواها دمعه ف لحظة وداع
هيا كلمه فى الهوا
مغموسه بسم الأفاعِ
على سن رمح أسمه اللسان
تفرد ف القلب كام شراع
والريح تاخدها جوه الوريد
ترسم ف الجسد أوجاع
وكلمه لينه رقيقه
على شكل زهره فى البستان
تتمنى تسمع ألف كلمه م اللسان
وكأنها نغمه فى غنوه
على نغمة العود ويا الكمان
تزف للقلب السعاده
يطرح على الشطوط حنان
والنبض يرقص م السرور
ويحس قلبك بالأمان
ياريت ياكلمة ماتخرجى
قبل م يحسها اللسان
                                ( أسامه جديانه)