بقلم الشاعر عاطف صلاح
ليه ياناس الدمع
بقا عندنا عادى
ليه كل يوم الجَمّْع
بقا طرح فى أَعدَادى
ليه كل مادا الدم
سايل من اولادى
أَربى واكبر إبنى الغدر ياخدو وعادى
واموت أنا جنبه
والطفل إيه ذنبه؟
ذنبه انه كان عيان
راقد ومش قادر؟
مستنى قضا الرحمن
ل يخف ل يغادر
دخلتلو يد جبان
من إيد عدو غادر
حتى الأمل اللى كان
عايشه عليه أمه
راح الأمل والولد
بيعزو فيه أمه
يا خلق مين السبب
حد يقوللى مين
واللاهِ من غير أدب
آكل حشا أمه
---------------------------
~~~ سبب المأَسى مين~~~
#عاطف صلاح#
