بقلم الشاعر محمود عوض الله

يا دنيا ليه

*****

يا دنيا شاغله ليه حـــالى

وديما تشغلى بــــــــــالى

وإمتى الدنيا تصفـــــالى

واعيش فرحـان ومتهنى

        ***

قالولى الدنيا ما تدومشى

فى بحر الدنيا ما تعومشى

هتغرق فيهـــا ما تبانشى

دى لا بتــدى ولا تهـــنى

      ***

يـــاقلبى ليــــــه بتتحــير

وأحـــــوالك بتتغـــــــــير

يا قلبى لسه انا صغــــير

وشيــل الهم ده عــنــــى

  

      ***

بلتنى الدنيــــــا ببــلاوى

بتدبح فيا بمطـــــــــاوى

وعمر الدنيـــــا ما تداوى

همومــــى او تشيل عنى

       ***

عليــــل ديما على فراشى

وتــــــايه حتى وانا مـاشى

وأضحك غصب عن خاشى

عشــان خـاطرأقـــول فنى

      ***

برغم الـــــهم ده حبـــيت

وعشت الحب واتهنـــيت

ودلوقتى باقول يـــا ريت

دفنته قبل مـــا دفنـــــــى

      ***

بسهم الحب فرّحنــــــى

وسهانى وجرّحنــــــــى

وغسلنى وشرّحنـــــــى

بشاش إسود وكفّنــــــى

     ***

وطار الحب من إيـــــدى

وبكانى ف يوم عيـــــدى

حظى بس مش بايـــــدى

حبيب القلب راح منـــى

   

   ********

  شعر محمود عوض الله