بالعامية
🍁🍁🍁
قال لي
🍃🍃🍃
يا حلوة الحلوات
رح لبسك إسوار
وأهديك خاتم ماس
خلي الصبايا تغار
ورح زينك بالفل
والمسك والعنبر
وأفرش طريقك زهور
تا نكمل المشوار
🌷🌷🌷🌷
رح سكنك بالقلب
وتبقي إلو حلو
وقلك يا نور العين
إنت الفرح كلو
إنت ربيع العمر
وأزهارو وفلو
وإنت قمر نيسان
بالعال محلو
🌹🌹🌹🌹
إنت يا أطيب طيب
إنت الشهد بالكاس
إنت يا أحلى مروج
خضرا وأحلى غراس
إنت عبير الورد
يا تاج فوق الراس
رح إرفعك عالعرش
يا أميرة بين الناس
🌻🌻🌻🌻🌻
رح اقطف النجمات
تا قدما هدية
واغزلك من الشمس
شالات دهبية
واسكب رحيق القلب
بكاسات فضية
وننهل سوى من الحب
انا وانت يومية
🌼🌼🌼🌼🌼
قلتلو نور العين
قلبي إلك كلو
يا قمر بالعالي
ما حدا بوصلو
رح زيح نجم سهيل
تا حطك محلو
وإسقيك شهد الحب
سكر على حلو
🌷🌷🌷🌷
بقلم ملك الأصفر
