بقلم الشاعر & عبدالله انس الشرقاوي &
الحب زى العقربه لدعته والقبر
يسقيك بكاس السعاده حنضل ومر وصبر
الحب زى السرنجه لسعته واعره
اوعى تآمنله ف يوم لايهبرك هبر
...........................................
الحب زى السبانخ كله غذا وحديد
او حتى زى البطارخ فوسفوره يابنى شديد
اوعاك تصدق كلامه ليجر رجليك
وتروح فى دوكه يا صحبى وتنفض الإيد
............................................
الحب زى الخشونه بتكلبش الركبين
لا دوا ينفع معاه سمه ولا التعابين
وان رحت يوم للطببب ما تلقى اى علاج
يبقى عليه التعب ؟ و تجبله قلب منين ؟!
............................................
الحب زى الطماطم ف اسعارها
مره تلاقيها ب عشره وساعات ألا دونه
وان كنت ناوى عليه اصبر وخد وقتك
غير الحرامى اللى خايب نقبه على شونه
............................................
الحب انت وحظك بطيخه تفتحها
طعم وحمار ف ساعات وساعات تلقحها
على رأى واللا المثل( بختك يابو بخيت)
فيه فرق بين المدمس او فرخه تشوحها
............................................
الحب زى الخياره العنق فيها مرار
لا تسوقلى فيها شطاره وتقول دا ليه اسرار
واسمع كلامى نصيحه انساه يروق بالك
وانت اللى شايفه اعمله مانته اللى تاخدالقرار
