*وصفها.

صبرى على يكتب**وصفها.

* قالوا لي: "اوصفها"..
واحكي لنا رسمها.
انا قلت:"ماشي لكن..
مش هاذكر إسمها".
عيون جريئة واسعة..
زي عيون المها.
اه من رمشها..
واه من سهمها.!
غمّازات الخدود..
وخفّة دمّها.
وردة يشوفها النّسيم..
بسرعة يشمّها.!
فيسكر من عبيرها..
فيجري يضمّها.!
قلبي الرّهيف عشقها..
وشايل همّها..
وبيتحوّل غدنفر..
لو مين جه يمّها.!
لو تتكلّم' نغم..
خارج من فمّها.

* خلاص قرّرت اكسّر بينّنا كل الحدود..
هاجرى اتقدّم لابوها...
واتشكّر لامّها..............
صبري على