لعب الدراري

ادريس جبيلو يكتب

 لعب الدراري

حاري باري
هذا لعب الدراري
كبف تبع لي الهوى
وانا منك ماشاري
راك عارف علاش
العشق مابناتناش
القلب راه اتكوى
وانت ماداري
بجوج وجوه
انت ديما مشبوه
بحيالك تتلوى
وجورك عليا جاري
داير عليا ممنوع
واش انا جربوع
تهني بايع القوة
وتضحك ع اللي شاري
ل عطاتك ليام
دير كاطريام
كسيري ع النخوة
ولاتمس صواري
عاند لاتحسد
واحكم بلا ماتنفد
دير ف كلامك حلوة
وخرج للتباري

بقلم ادريس جبيلو