معدوم حتي الصوت
يكبر ويتعكز
وخشونتو في الركبة
ولو قام يتلكز
يلقى الحياة صعبة
بيموت بفقر الدم
هيجيب منين احساس
ولاحد بة يهتم
اصلي الجدع ياناس
عاشق لفقرة الدكر
يادولة الملاعين
الرشوة بالملايين
بس الولد لو غلط
بيأكلوه الطين
واقل م العادي
صوتة بيبقي جبان
لو مرة جه يعلا
بيوصفوة بجنان
يابن الحرام ياغبي
تتحدا اسيادك
وع القفا بينجلد
ولايرحمو السجان
كرباج الحصان موجود
او قمشة من ماهر
او طلقة م الخرطوش
تقتل العاهر
في شرعهم هما
لازم يموت الصوت
مايقولش حرية
في عرفهم هيه
تتسمى راجعية
يافقير كفاية عليك
عايش؟؟ باسم فوقية
اوعي تقول الحقوني
عيالي مش لاقيه
ولاابني اهوه بيموت
ارقية كام راقية
متقولش وزيرنا فين
لة قصر في ماراقية
الطم بقي انت
وعلي الخدود عدد
وموت بقى من القهر
دا قانون ومتحدد
اصلك فقير بالوراثة
تحت الجزم من داس
اوعاك تقول ياهوه
او مرة بتهدد
عيش باوجاعك
ونام ولا تندد
عيش باوجاعك
ونام ولا تندد
...خالد الجمل.
