" البال منك ارتاح "
بقلم الشاعر عبد الكريم بوفاري
كلامك عندي ما بقاش مسموع
عشقك تحرم عليا ولى ممنوع
شحال قدك تزوقي و تتلصقي
القلب ؤ الخاطر منك مفكوع
نسيتي غدرك و عذابي بأولادي
كبدتي تتألم والعقل بيهم مرفوع
كلامك عاد زقاق و خضار لبكر
سيري لوحي بلاك خليه مدفوع
احطو الشمس بيميني والكمرة
محال تعود رحمتي لأرض الجموع
شتايا غرزت والكسدة عادت صحرا(ء)
شحال سقيتك من عطفي المخدوع
قيوشي موضرين طابلتي مرونة
حساب حياتي لي تمنيت مخلوع
بسبابك هجرني القريب ؤ البعيد
غيابك راحة البال به ريقو مبلوع
غرك شيطانك وسوس ليك العدو
خليك مع شوارك ؤ حريق الشموع
دمي شريف محمي من عند الله
ما نفكر فيه قلبي ما يبغي رجوع
*** بقلم :عبدالكريم بوفاري ***
