ملحوظة
هذه القصيدة مقصودة
للوباء اللي انتشر بنا
علي الفيس وفي الحياة
وانا عارف انها هتحرق دم
ناس فشلة كتير
بس ده واقع مفيش هروب
منه
ق/مستحيل للجهل أجامل
ك/أحمد عبد الرحمن صالح
.
.
.
كل يوم لينا حكاية
في الحياة دايماً نقابل
ناس غريبة مستحيلة
يخلطو حابل بنابل
كرهونا في كل حاجة
والمصيبه الكُل قابل
لما فاشل يبقي كاتب
الأدب يبقي مزابل
ولا زبال يبقي شاعر
م الصفاقة الناس تجامل
لما عاطل يبقي ناقد
يبقي ليه الناس تحامل
ع اللي كاتب إنه شاعر
جهلُه بين السطر كامل
ولا واحده شايفه روحه
عندها حالة دمامل
داخله تنشر صورة قذرة
يمدحوا فيها الزوامل
فتحو ولا مليون جروب
م السفاهة الكل عامل
حاجة اخطر م الوضاعة
يبقي ليه ليهم نزامل
عيب عليكم جتكو نيلة
جتلنا قرفة حوامل
لو صادفكم يوم طريقي
صعب ليكم يوم أعامل
كلمات/أحمد عبد الرحمن صالح
