#مابين_النقطه_والتانيه
________________
تيجي اقولك كلمتين.؟؟
ولا اقولك!!!
خليني ارسم نقطتين ( . . )
ما بين النقطه والتانيه
حياه فاضيه
بنرسمها احنا بإدينا
وأول نقطه في حياتنا
نختار مكان آخر نقطه
وبينهم دنيا وخدانا
ولقمة عيشنا لاهيانا
ورقص ومغنى في حياتنا
عن كلمة حق منعانا
وعن بكره عيونا بتغمض
بنقول اهي دنيا ماشيينها
#قطيع ماشي وساحبه غنامه
#قطيع أعمى
مايعرف حتى فين ماشي
وأهو ماشي
وأهو ماشي خلف غنامه
مابين (النقطه والتانيه)
دنيا وفيها ناس زيي
وناس زيك
والدنيا هيا ايه يعني؟؟
ناس زيي تعدي وتنفض
وناس زيك
تصد وبترفض
ناس زيي تعدي وتنفض عشان (خايفه من بكره)
وناس زيك
تصد وبترفض عشان (خايفه على بكره)
#هنا_الفارق
هنا الفرق مابينا ومابينك اسمعني
ادينا نفضنا اهو وعايشين.
(لكن زي النعام وشنا فى الطين)
وأديك رفضت اهو صديت.
وآديك ميت
(لكنك مت بكرامه)
واديك فالجنه ونعيمها وهاتتجوز من حور العين.
ياسيدي إفرح
ياسيدي إفرح ومن فرحك اتنطت
اديك ارتحت
اديك ارتحت من الدنيا وقساوتها
لا ف يوم مش هتقدر تقيم ظهرك.
ولا مره هتعجبك واحده
علشان تتجوزها هاتجهز فى شقتها شهور وسنين.
وتتجوز بردو زينا بالدين.
آديك ميت
#وآدينا_عايشين
بنتعذب اهو بذنبك
وبردو لكلمة حق مش ناطقين،
وأدينا ساكتين
______________
#لمحمد_اشرف_السيد
