لما للشاعرة رجاء حسين

شعر عامي
رجاء حسين
=====
لمَّا
=====
لما قلبي ييجي يوم
يخاصمني فيك
وأما تاهت روحي مني
التقيتها هايمة فيك
وأما أقول في يوم ناسيني
غصب عني تبكي عيني
ترجع الضحكة لقلبي
لو لقيتك يوم تجيني
وعني بتدور عينيك

لما ألاقي حرفي تايه
في سطورك في هواك
وأما أسال همس حرفي ليه ناداك
وإن سكت صوته شوية
وافتكرت إنه نساك
يخلف الظن في ثواني
والسكوت له كتير معاني
بس حرفي كان أناني
لما خاصم يوم زماني
وقلت مش ح يعود لي تاني
ليه غرق في سطور هواك
==========

رجاء حسين