{مشتاق إليك}
أيام تفوت و سنين
و القلب كله حنين
يسأل عليك و يقول
فينك يا نور العين
*******
أيام كتير بتروح
و القلب بيك مجروح
يتمنى ترجع ليه
و ترد فيا الروح
*******
بتمنى يوم القاك
و أعيش ليالى هواك
بعد البعاد و الشوق
تحلا الحياة وياك
*******
و ان عمرى بعدك طال
جوايا ألف سؤال
إمتى الليالى تروق
و معاك يروق البال
*******
أغلى و أوفى حبيب
دايما لقلبى قريب
هو الحياة و الروح
لجراحى هو طبيب
*******
أنا قلبى ليه مشتاق
دايب من الأشواق
لو تانى ليا يعود
ما يكون ما بنا فراق
(احمدسيداحمد)