الزمن
آه من الزمن وأعماله
أعماله غريبه ما تستعجبش
تقل علينا بتقل أهواله
أصله أعمى وما بيشوفش
يرمينا تحت رجلين جماله
ويضحك ويقول ما تخافش
ويرمي علينا أحماله
ويركب أكتافنا ويقول ما أنزلش
ويمشينا ع الشوك وأدغاله
حمله تقيل ويقول ما تتعبش
يتوهنا في صحاريه وجباله
وعلشان ترجع ما تعرفش
ركب علينا وسايق دلاله
عايز مننا إيه أنا ما أعرفش
ضللنا وتوهنا حتي بابه
حتي كلامه كله غش
لما وصلناله دبحنا علي أعتابه
ونازل في أعناقنا حش
آه من الزمن وأعماله
أعمي قلب وما بيرحمش
زمن وما تفهمش كلامه
بربري ولسانه كله غش
لا تفهم كلمه من كلامه
ولو سألته يقولك ما أعرفش
ولو سألته فين الرحمه
يبصلك وفي بصته وحش
ولو قولته توهتنا بين الزحمه
يقولك قدرك وما تتزمرش
لو أفعالك يا زمن قدري
هسكت وما أتكلمش
لكنه مش بأيدك قدري
قدري بأيد إللي مابيفرقش
أمتي يا زمن ترجع للعقل وكلامه
وعن العدل أمتي ما تحردش
أسمع تعاليم الله وكلامه
هو القوي وما بيتجبرش
آه من الزمن وأعماله
أعمي قلب وما بيرحمش
كلمات إندرو فرج
عاشق نيلها
27/12/2017
