يوميات فلاح مصرى
صاحى من ساعه الفجريه
وأهى ليلت الدنيا عليا
برويلك قمحك يا بلادى
وشمسك كات حاميه عليا
ومن أرضك ورمت رجليه
وفى الآخر رزقك مش ليا
وقمحك سرقوه الحراميه
وفلوسك دايما منهيه
ما معايا حق الأدوية
واللحمه يا دوبك شهريه
واكلك طالع من أيدى
وخيرك على طول مش ليا
وازرع وبيحصد بهواتك
حبه عدل يا مصر شويه
دا اللى بيزرع لازم يحصد
خدناها فى محو الاميه
فين الكلمه دى يا بلادى
بزرع وحصيدك مش ليا
ولا المنهج كله اتغير
و بقينا قالبين الجلابيه
(وائل محمد عمر)