العرافه بقلم نزار العرب تامر ناجي

#العرافه
.
.

مابين الفحم وسيل #دخان

وش مولع و بيت #مهجور

في نن عيونها ساكن #جان

ورمش مطلع نار #وبخور

ظهر الكف نحيف #دبلان

جايه هتكشف في #المستور

بتقول الشرق هزيل #عدمان

أما الغرب بشاير #نور

وإن الأقصى لناس #ديان

من غير حرب في أرض #البور

لا عاد لهلال ولا #للصلبان

بكره يامكه عليكي #الدور

وطول ماضمير الناس #عدمان

هيعدي الحلم العبري #جسور

دي العرافه ياخلق #زمان

ليه على بابها وقفنا #طابور

هاجو يهود عاملين #فرسان

بعد ماكنو حمار #مجرور

في فلسطين وجنوب #لبنان

طايحين ضرب يهود #مغرور

أدي العرافه وادي #الفنجان

أصلب طولك أرفض #ثور

شوطه وقامت في #الأوطان

بسم الثوره ياثورة #زور

خلونا قتلنا أبطال #ونظام

فتنه وعامله وطن #مبتور

لا وبتقول ينقصكو #كمان

حبة موضه و سهر #وفجور

لما الشيخ يخطب سكران

تلقى الكلمه ريحتها خمور

ينسد النيل تنشف أسوان

وتروح مطروح والكل يغور

يرقص رمسيس على صوت ألحان

طلعت حرب راجع معزور

ليه الإنسان مبقاش إنسان

ليه إبليس فرحان مجبور

وسر هلاكه في القرآن

في آية الكرسي مش في بخور

فجأه طلع من المدنه أدان

بكى إبليس ونده مسرور

وانهد المعبد على عمدان

فوق عرافه بتشهد زور

ماتت كسرت في الفنجان

شهدت أهل الشرق نسور

              بقلمي 

         #تامر_ناجي