صدقيهم للشاعر عبدالله السايح

،،،،،،،،،،(صدقيهم)،،،،،،،،،
الكلام ياما كان كبير
كل واحد له دليل
قالوا عاشق حد غيرك
قالوا مغرم أو ذليل
قالوا طول الليل بيسهر
إمايلعب أو بيسكر
ليلة حمرة وليلة سكر
وانت قلبك بات عليل
قالوا عني إني خاين
وان قلبك عندي هاين
واني تايه في المداين
يعني طير محتاج يطير
قالوا عني كل حاجة
في الحقيقة أو دباجة
قالوا بايع وبسذاجة
قالوا عنك مش بااغير
بس نسيوا يقولوا عني
إني منك وانت مني
وان قلبك ليه ظالمني
لما يبعد أو يمني
عمره ماكان له ضمير
واهتمامك كان ضرير
كل يوم أسأل عليه
أنحني وأبوس إيديه
نفسي مرة يحس بيا
نفسي مرة أحس بيه
نفسي حتى اكون أسير
كنت أبكي واقول لك إصحي

مرة قومي وحسي جرحي

إزعلي أو حتى إصفي

جددي العشة ياطير

كنت أقول لك فين أنا

محتاج أكون كل الضنا

الحياة مش عندنا

الحياة وقفت كتير

كل يوم أبكي وأقول لك

إني محتاج حتى ضلك

أي حاجة فيك تكفي

بس قولي دا  فاضلك

محتاج أنا لو شئ قليل

فاكرة كام عدت سنين

دُورِي كان عندك هجين

ساقية دايره ألف فيها

قلب عاشق أو أمين

قلت أنا بكل اللغات

وإسألي عمري اللي فات

إن أننا محتاج فراشة

في كل لحظة ذكريات

الملل هو  اللي راشق

جوه  روحي كان يبات

كل يوم أشكي اللي عاشق

وألعن القلب اللي مات

وانت جايه تقولي عني

اني كنت واني كات

وإن كل الناس يقولوا

إن أنا عاشق بنات

كل حاجة عني كانت

 صدقيهم 

انت سيبتي سنين حياتي

تحس بيهم

واتغيرت عندي الوشوش

لما دَوَّرت  في حياتي

 عن سنيني ومش لاقيهم

لما فكيت القيود

لما طرت وكنت رافض اني اعود

لما عديت الحدود

لما روحي في السما راحت وطارت

لما رجعت روحي تاني للجلود

تحت جلدي استبانت

طيرت قاصد للخلود

أصل روحي مهما بعدت والا' دانت

والسنين مهما تكبر مهما كانت

صعب يبقى في الحياة لحظة سدود

المراحل في الحياة محتاحة حب

واهتمام يكبر معاها في أي قلب

مش معنى تكبر يعني  ....موت

أو تنتظر الموت يفوت

،،،،،،،،،،،،،،(شعر)،،،،،،،،،،،،،،،،

     عبد الله السايح

— with ‎عبدالله السايح‎.