أه يا انا ....يا وعدي
سهتني دمعتي
من غير مادري
ونزلت زي سيل تجري
و سبحت كحلتي
على خدي
يا انا ...يا سهدي
لو بس تحس إحساسي
لوتعرف قد إيه باقاسي
لو غالية شوية عليك
لو دمعتي تاثر فيك
لكنك يا كاسي ..ناسي
جرحك لي مر وقاسي
يا حبيبي يا اعز ناسي
يا جافيني ومتناسي
الي بينا كان حقيقة
ولا بس وهم ووسواس
وبعض من هواجسي
خليت بعنادك قربنا عذاب
وبعدك عني سهاد وعتاب
جحيم على بركان حارق
امت تحن ..بس امت ترق
امت ترحم عيني امت ..
ولا مافيش فيك فائدة .
شكلك مستغني ومستعذب
وجعي عندك له لذة .
يبقى فعلا مافيش فاىدة .
جميلة محمد
