صرخة فلسطينى
*********
ليه يا عـــــرب دمنـــا
أصبح مالـــوش لازمه
ولا أنتــــو مش مننـــا
متحســــو... بالأزمـــه
*****
دخل اليـــهود الديــــار
طــردواللى بانيــــــها
مستـــوطنين اشــــرار
جــم.. يسكنــوا فيـــها
*****
العـــــربى نـــاسيــــنى
عــــــــــايش ولا همـه
أخــــــــــوك فلسطينى
ع الأرض ســـال دمه
*****
أرضى اللى منهـــــوبه
ف إيدين عــــدو محتل
وكرامتى مسلــــــــوبه
والعقــــــل منى اختــل
*****
حرقو الشجر والـزرع
راجــل كبير يتهـــــــان
لا الدين ولا فى الشرع
يسمــح تهين إنســــــان
*****
تهون علينـــا الـــروح
ع الارض نفــــديــهـا
وحدى انا المجــــروح
جرحى نـــــزف فيهــا
*****
وشبــــاب ورا قضبـان
لا زاد.... ولا ميـــــــه
دول وردهم دبـــــلان
والضحــكه منسيـــــــة
*****
استشهــــدوا ولادنــــا
بالطلقـــــــة والـــــدانه
وفــــــداكى يا بلادنـــا
كــــــل اللى ويـــانــــا
*****
أرضى اللى محتـــــــله
مـــين اللى يحميهـــــــا
الكفــــة ..مختـــــــــــلة
والعـدل ضــاع فيهـــــا
*****
القــــدس بتنـــــــــــادى
للحــــــــج والقـــــــداس
يـــــــا كــــــــل أولادى
اســــــــــرائكم تنـــداس
*****
علشان تعيش إنســــــان
لازم تــــــــلاقى ضحية
وحمــــــاية الأوطـــــان
بالطبع .. أصل القضيه
ــ ــ ــ ــ ــ ــ ــ ــ ـ
شعر محمود عوض الله
