خارج نطاق العقل

بقلم عاصم سعيد

خارج نطاق العقل..

احداث وبنشوفها..

فزورة مالهاش حل..

متلخبطه حروفها..

والفكر منها اتشل..

مقدرش يوصفها..

فشل يجر فشل..

يسرق معاه حلمك..

والحل ايه والعمل..

وازاي تزيح همك..

ومنين تجيب الأمل..

تداوي بيه ألمك..

صدقني مش عارف..

زيك أنا تايه..

يمكن كمان خايف..

خايف علي بلدي..

أهلي هنا وناسي..

من مركبه تودي..

علي جرح ومآسي..

هنا ساسي وأساسي..

قلمي وكراسي..

حلمي لبكره الجي..

حلمي البسيط الحي..

يصبح مصيره القتل..

خارج نطاق العقل..

… .عاصم سعيد. …