فى قصيدة :همس الاحباب
*****************
جيت لك حبيبى
أهه ما تأخرتش عليك،
وحشتنى عيونك
الصافية و لمعة عينيك،
و حمرة خدودك
الدافية و لمسة ايديك،
وحضن دافى يلهب
مشاعرى و شوقى اليك
دقت المرار
حبيبى فى بعادك
و شفت الجفا
كمان فى غيابك
و دورت عنك بين
الحبايب ما لقيتش مكانك
نسيت إنك سافرت
من غير سلام حتى بصباعك
ولا حتى كلمة وداع
تطفى فى البعد نارك
و مشيت من غير ما تفكر
ها نعمل ايه فى بعادك
حبيبى كنت غالى على
القلوب فى زعلك ودلالك
وتركت فى القلب جروح
ونار آيدة فى ديارك
وفكر شارد وعقل كمان
ملهوف يجى فى يوم بجوارك
نسينا الدنيا فى بعادك
وعشنا على كلمة حلوة فى كلامك
لسة كتاب ذكرياتك مفتوح
يهمس فى قلوب
عاشت فى وجدانك
وناس فى عيونها دموع
عايشة فى غرامك
وكل ما نقلب صفحة
نلقى جروح عايشة فى كيانك
وفى القلب نار ما تروح
ما يطفيها شيئ فى غيابك
منايا أكون جنبك
أعيش العمر فى رحابك
وقلبى ها يكون مرتاح
و أنا بخبط على بابك
**************
بقلم الكاتب محسن أبو حمود
