مصر حبيبتى
ةةةةةةةة
بنلف كتير وندور
ونسافر بلاد ونعدى بحور
ونرجع تانى لحضن يضم
حضن الاب وحضن الام
حضن غياب سنين وشهور
حضن اخواتى
وحضن اولادى
مليين حياتى هنا وسرور
متجمعين على الطبلية
لقمة هنية
وسط الدايرة داير مايدور
وتفضلي انتى
يامصر حبيبتى
وسط الظلمة تشعى فى نور
نور بينور
للعالم يظهر
قمر اربعتاشر بدر بدور
ولو فكرعادى يعاديكى
حتلقينا ملمومين حواليكى
نشق جبال ونعدى جسور
بحلف محسيبك
حارس ترابك ونيلك
وحلف فيكى وحدور
وحشيلك علي راسي شيل
جوة عيونك صبح وليل
وحموت شهيدك واكون مسرور
ياست الكل
ياعقد الفل
ياحورية يااجمل بنات الحور
****************
المهندس حسن خليل
