الشاعر المبدع ياسر شرف
يكتب✍...
بر الوالدين
=======
من قلب ابيض ويا العين
اشكر واحيى الوالدين
دول ضحوا ياما سنين وسنين
عشان ولادهم يبقوا الزين
الام شالت تسعة شهور
فى البطن لوليدها المغمور
يأكل ويشرب منها كمان
ويكبر بسرعة مع الأيام
وحركته بتسبب فى الام
للام تصرخ ولا بتنام
ولما ينزل يعنى تمام
تفرح وتحلم فى الأحلام
وترضعه وتغسل له كمان
وتسهر تلاعبه عشان ما ينام
ولو سخن او جاله الدور
تجرى بسرعة على الدكتور
وابوه بيسعى ليل ونهار
ويصرف ويحميه من الاخطار
وينسى فى نفسه بإستمرار
عشان يوفر ليه بإيثار
والام شجرة تظل عليه
ترعى وليدها وتربيه
واللقمة لا تأكلها وتديه
وتقول ياربى بارك فيه
والأب بيضحى ويعطيه
وفلوسه يصرفها ده عليه
والشكر ليهم بالعرفان
مفروض وواجب ايا ان كان
زى ما راعوا يعنى صغار
بالحب نراعى اباء وكبار
وهى دورة ودفع ودين
ورسالة مكتوبة جيل ورا جيل
مش منة يعنى ورد جميل
ده حكم مفروض شرع ودين
لازم نوفيهم بالدين
ونبر دايما بالوالدين
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
