بقلم "محمد الخضرى

بدونِك

وبدونِك أنا شايب بشعر ابيض

ودايق بيكِ طعم البُعد ؛

مستنظر على تلالِك ومستغرب

ليالى القسوة وقت القُرب ؛

شربت معاكِ فنجانك وبتعذب 

وكان طعمه قصايب مُر ؛

 ولما فقدت عنوانِك وهتغرب 

عشقته كبرد ساعة الحَر ؛ 

خوفى وفزعتى ليكِ كان استهتار ؛

ولما كنت بغضب لِك بيبقى حوار ؛

ولو كنتِ ف يوم قمرى وغازلتِك 

غصبٍ عنى _ وحِياتك بيبقى هزار !؛

سنين ذُلى وقهرة قلبى وياكِ 

أحَن كتير ؛

دا أنا ف بُعدك 

ملايتى البيضا والله كساها غبار ؛

بقيت بحرق ف اعصابى وادمرها 

وما ألقى إديكِ بتطبطب ؛

 تقوم أحلامى فزعانى ومن نارها 

أروح كازز على سنانى ومتعصب ؛

وأكون نِفسى عينيا بس اغمضها

ألاقى عنيكِ باصة لى وتتصعب !؛

ف حضنك كنتِ ترقينى بنور عينك 

وحلمى أشوفه قُدامى ومترتب ؛

أصغر تفصيلة جوايا بتشتاق لك ؛

بنعيشك مع كل حكاية 

وبصوتنا الخافت ننده لك ؛

قلمى ونضارتى وكتابى 

عايشين ف تمرد أهو قصادى

فاكرين مش قادر أحن لك ؛

 وأنا من جوايا إنسان ميت 

ومنايا ارجع وأبوس رجلك ؛

بقى كل الكون حاسس بيكِ 

وواقف جنبِك !؛

وأنا المغصوب على أمره 

بتحجج لك !؛

 بقلم "محمد الخضرى