&&الشاعر المبدع فوزي السيد&&
يكتب✍...
يا قلبي إيه قصتك..؟
~~~~~~~~~~~
يا قلبي إيه قصتك ؟
عاشق هواهم... ليه؟
هوأنت فلبي أنا
واللا حكايتك إيه؟
ناسي الجراح كلها
لا ف يوم تقول باعت
أشكيلك اللي جري
وتقوللي باقي عليه
********************
بعد السُهاد والسهر
طب فاضل إيه تاني
سابني وحيد للجراح
أشكي له.. ينساني
هي المحبه كده
إشرح لي ياقلبي
لايوم ضناه الوجع
ولا حتي يوم جاني
******************
باقي علي اللي جرح
واللا علي اللي خان
فاكر زمان عهدهم
ياقلبي والله زمان
ح تعيش شاريهم كده
ولإمتي ح أتحمّل
زاد البعاد شكوتي
بكفايه خوف وهوان
*****************
دوّر علي زهرتك
ح تلاقي منها كتير
ح تعيش أسير حُبهم
تفضل ياقلبي أسير
اللي خلق حُسنها
قادر يصبّرنا...
ونعيش مع حبنا
ممكن ياقلبي نطير
*****************
إياك تزور قلبها
وتقول وحشني الآه
اللي نساك ودعه
وإفتكره يوم وإنساه
متقولش كان حبها
واللا الغرام صابني
باعت ف لحظه هواك
إزاي تجيك الآه!!
قلم الشاعر ✍...
******************فوزي السيد
