الشاعر محمد مهداوي
الواد ............عامية....
الواد ما عندو جارو
ديما هامل على دارو
يقتل ما ايقدم أعذارو
ايهيج وانت ما تعرف انهارو
العلماء فيه حارو...
الله أكبر...الله أكبر...
غي ربي اللي يعرف أسرارو
النهار يحمل ما يعرف جارو
والنهار يرصى إضم احجارو
لازم يا خويا تعرف مقدارو
را ه ديما امخبي قرارو
مين يهجم الطف يا ستار
شكون يعرف أفكارو
إلا الواحد القهار...
سمعوني يا حضار
الواد بحال ابنادم ف أسرارو
إقولك عندي عود ف داري
أو هو كيعلف احمارو...
معندك ما تعرف ف أغوارو
شحال من غافل تا ق فيه
ادالو زريبتو أو خربلو دارو
محمد مهداوي
