فــيصـل بـــدر
((( فــيـِنـَـك يا شــاهـين ))))
************************
الخـاله نوال بتعدد وتندد وتقول
حَـدِّتى نفسك لما تموتى زى شاهـين
ليه الحُـزن مغطى عنيك يا نوال لتنين
أيه يعنى الدار والدوار ويادوب قيراطين
واكبر ولداتى الواد عبعـال والبت منال
وتالتهم بسيونى ابن شاهين
مش بس كفايه
تكون جدران الدار بالطين
قاعه لأكلنا ومكان للنوم
والصاله بطول الدار
عرضها مترين
وف مدخل دارنا المصطبه طين
ع الجمبين
وورا الدار مسقه
لأرض الشيخ حسنين
ويمين الدار
الساقيه بتاع الحاج يسين
وشمال الدار
سكه لدار اولاد سماعين
فى الدار دوار فيه نَعجه
وبطه وفيه خروفين
والواد عبعال
ناوى يبيع نص الدواروالقيراطين
ومنال هتبيع النَعجه بتاعها
والخروفين
يا قِلة بختك يا نوال
ويا حظى الطين
الحِمل على اكتافى تقيل
من سِت سنين
كل دا كان فين بس ياربى
فينك يا شاهين
حزننا يا حبيب من يوم مُوتك
ما فارقش العين
شـــاعـر القــريه
فــيصـل بـــدر
