بنشبه بعض.
الشاعره هبه حسن..
انا وانت بنشبه بعض..
ف لون سمرنا ووشنا
ف حبنا وطهرنا
ف حلاوة قلبنا
ف شقاوة ضلنا
وف خفة دمنا
انا وانت هنفضل حبايب مهما يحصلنا
ماانت اخويا وابن ابويا وابن امى وجوا دمى..
انت سندى وضهرى..
وشمسى وضلى..
ليلى ونهارى
وسكنى ودارى..
انت بحر وموجه عالى لما اغلط علطول يلالى ماتغلطيش يااغلى غالى...
انت حنانى وبسمتى
انت شبهى ف قسوتى
وسندى ف دنيتى
انت روحى وجنتى
انت امانى وسكتى
قالى اخويا
دا انتى امى بعد امى
انت الحنان وانتى الامان
انتى احلى حاجة ف دنيتى
انتى نورى وبسمتى
انتى شبهى بحجتى
انتى ديما جنتى
بنشبه بعض انا وانتى
لما بغلط تعتبينى وان يوم بعدت ترجعينى
زى امك تمام تحسسنى بالحنان
ربنا يباركلى فيكى يااحلى حاجة ف دنيتى ياكل بسمة ف سكتى انتى ليلى ونهارى وسكنى ودارى
هبه حسن
