كلمة في سرك
بقلم. أم كلثوم صلاح
طيفك طول الوقت شاغلني
وأما بحاول أبعد عنه
ألاقيه برده لسه شاغلني
بيني وبينك أنا عايزاه
وبتمناه يجي يكلمني
ولو يتأخر بس شويه
أقعد وحدي عشان ألقاه
ويونسني.... وبيسعدني لقايا معاه
يحكي مرة .....ويشكي مرة
وأنا كلي ...آذان سمعاه
حتى في عز النوم بيجيني
واعمل حوارات كاملة معاه
كل كلام الحب أقوله
وأسمع منه أحلى كلام
ولما أقابله وعيني في عينه
بيروح الكلام ..وانساه
بقلم. أم كلثوم صلاح
