المبدعة أم كلثوم صلاح
اللي في خيالي وشاغل بالي
وقلبي اختاره وشاور عليه
نفسي في يوم قلبي يناديه
يستجيب له ويرد عليه
وطيفه كل شوية ألاقيه
بيلخبط لي اللي أنا ب .ابنيه
شاغل فكري رايحة وجاية
واللي مشيته ارجع أمشيه
تبعت ليه طيفك لخيالي
بيسهرني ويشغل بالي
وحتى لما أغمض عيني
ألاقيه مرسوم جوه كياني
وبيسعدني كلامي معاه
ولما يجيني يوم في منامي
أروح قايمة عشان ألقاه
أتفاجئ ...إنه كان حلم
أتضايق ......وأقول الآه
وأرجع ألحق أنام من تاني
وأفضل في الحلم استناه
أعمل إيه دلوني يا اخوانا
محتاجة وصفة عشان أنساه
بقلم # أم كلثوم صلاح
