أحمد ابراهيم
حنيني
1
يعدي الليل وأنا وحدي
بنام والدمع على خدي
بيداري في حضن هواك
اشوف نورك هنا جنبي
بيدفا ف حنين قلبي
ولا بيقدر ف يوم ينساك
تمر سنين على حالي
بعيش سارح ف موالي
اناجي طيفك الغالي
وقلبي يعيش على ذكراك
2
يا موج البحر سمعني
مواويلك
أنا جايلك شايل همي
وبشكيلك
ونفسي تغني تواسيني
وتمسحلي دموع عيني
وتحكي قصة العشاق
ونار الحب والأشواق
هتلقاني أنا وقلبي
بندعيلك
3
يا طير فارد جناحاته
بشوق وحنين
وليل يهمس ف قلب الآه
على العاشقين
وشط يواسي اوجاعنا
بنشكيله ويسمعنا
وموجه الهادي يجمعنا
يداوي كل قلب حزين
أحمد ابراهيم
