الشاعر/عزالدين جبريل
ياحلوه
يا حلوه يام الضحكه سكر
والشفايف شهد مكرر
والعيون نظرتها تسحر
اما بشوفك بنسى افكر
امتى هكسب ولا هخسر
يا ام الضحكه سكر
والشفايف اه من النار
اللى على الشفايف
قلبى ملهوف وخايف
بس تقدرى تقولى لى
انا ايه لقربك سبيلى
العمر وهبته ليكى
وقلبى ما بين ايديكى
ولا قاصده انك تعذبينى
وبعد شوقى وحبك
وطول سهر الليالى
منك تحرمينى
دايما انا تايه ومشغول
وفكرى معاكى على طول
بلاش تحرمينى عيونك دول
نفسى مره لما افكر
ادوق شهد شفايفك
ومنيها اسكر
لكن مهو بايدى
غير انى فيكى افكر
والاقى مزاجى يتعكر
ومادد ايدى ولا طايل
وفاتح عينى ولا شيف
غير يادوب طيفك
لو كنتى ناويه تقتلينى
ياريت بشعره من رمشك
ولا هفهفه بشعرك
او حتى شمه من عطرك
ساعتها هموت راضى
وميكونش سهرى وشوقى
ليكى طلعو عالفاضى
الشاعر/عزالدين جبريل
1 التعليقات:
Write التعليقاتاتشرف بتواجدى بينكم اخوه ومعلمين افاضل
تعليقخالص تحياتى وتمنياتى بالتوفيق دائما