شاعر اسطال عبدالله الشرقاوي
( سقعه قوى )
**************
باه باه ع السقعه يا واد عمى
دى ايديه مرصرصه رصريص
ورجولى مانيش حاسس بيهم
دا العمر باينله ف خلاويص
.............................
يقطعها ويقطع لمتها
وقعتها مطينه طيين
ديامها مش راضيه تعدى
وتقولو مايتين مش حايين
.............................
سقعان والسقعه هرت عضمى
وتقولهو مكتف كتيف
ومصالحى مقادرشى اقضيها
مخابرشى الطفبنا يا لطيف
...............................
ع نركى ليلاتى ونتدفى
للفجر نبلبع فى الشاى
وايام يابو عمو وتتكفى
والعمر اهو رايح مش جاى
..............................
آجى اروح المخبز ف العتمه
اسنانى تطقطق طقطيق
والقانى نشفان ف هدومى
مصرينى تزيق زييق
...............................
عندكشى نصيحه تقولهالى ؟
وجميلك دا مش هنساه
بس اوعى تقول طب وانا مالى
الحقنى قوام عقلى اهو تاه
