(اعتذار) بقلم // شاعر النيل الأسمر فرج البراهمي

(اعتذار)
باعتذر ليكي يانفسي
سببت لك كتير الآم

كنت ليكي ديما اشكي
وانتي ماسمعتي الكلام

قولت لك نرحل ونمشي
قولت لا اصبر حرام
بكره المركب هتمشي
وتسير لبر الامان
لحد ماغرقت بينا
ونزفت دموع عنينا
لحظه ضعف كانت مني
سدقت فيها كل كلامك
ان بكره أحس وأجمل
وادينا تهونا فيها
جايه ليه تقولي حرام
عاجبك الي عملوه فينا
ولا انتي جنيتي علينا
الموت فرضوه عليكي
واهي عيشه والسلام
العمر عدا وراح
والآلام بتزيد جراح
والديون طفحت علينا
والهم اصبح براح
ولا حد سامع صراخنا
مهما قولنا و شكينا
سدقيني غصب عني
كنت يوم بااحلم باني
هتخدنا في احضانها
وطبطب علينا
اتاريه طلع كلام
سدقت كل كلامهم
ولقيت كل فعالهم
وخط سيرهم
غيري تمام
ماعدش عندي ليهم
غير كلمه من جوه قلبي
حسبي الله ربي فيهم
نسوني كل حلمي
من يوم ماجيت للدنيا
وعليها كنت باحبي
باعتذر لك يانفسي
كان لازم من بدري نمشي
العمر ضاع وعدي
يلا بقي حسن الختام