( بدون دليل ) الشاعر //( نبيل الوردانى )

( بدون دليل )
مقدرش أكتم
جوايا همى
كأنى عمدا
بحرق ف دمى
أو حتى بدفن
جوايا حلمى
مقدرش اعيش
بشكل سلبى
واغش روحى
واخدع ف قلبى
مقدرش اقول
لنفسى خبى
مقدرش حتى
أكون خبيث
أنا خطوى دايما
بيكون حثيث
لكنى عمري
ما كنت اقيس
واحسب مصالحى
سكتها فين
واروح معاها
لو حتى أخسر
إنسان عزيز
عودت نفسى
أكتم هواها
ممشيش وراها
ولا احب نفسى
واكره سواها
قتلت حتى
إحساسى بيها
ماهيا عفوا
أماره سوء
خللتنى حتما
إنسان قلوق
محتاج أفكر
محتاج أفوق
راضى بنصيبى
دايما قنوع
لكن ساعات
بكون ولوع
طموحى دايما
أكون لربى
خاضع ذليل
ولا يوم أميل
مقدرش اجامل
فى أى حق
لو حتى صاحبى
ح اقوله لأ
دايما إيمانى
هو الدليل
( نبيل الوردانى )
شاعر