باحلم بيوم أشوف الناس
بتحب بعض بالإحساس
واقول يا ريت ينسوا الملامه
ويبقى الذوق هوا الأساس
..................................
هوا يساعدنى وانا اساعده
ولو وعدنى يوفى وعده
لو مهموم أشيل همومه
لو سعيد أفرح بسعده
...................................
باحلم بيوم اشوف بناتنا
لابسه الحجاب وصاينه ذاتنا
تبقى عفيفه منين ما تروح
بنتى وبنتك زى اخواتنا
.....................................
باحلم ألاقى الناس حبايب
ولا يجيبوش سيرة اللى غايب
وان مره كنت ف شده الاقى
وقفة صديق قبل القرايب
.....................................
باحلم اشوف اخلاقنا عاليه
والأرحام موصوله غاليه
نفسى اغمض عين وافتح
القى قلوبنا م الحقد خاليه
.....................................
لكن كل دى أوهام
باحلم بيها لما انام
ولما باصحى بانسى الفرحه
واقول يا ريت الحلم دام
